ACTIVIDADE ROMA 1º ESO
Aquí vos deixo unha actividade sobre a cultura da Antiga Roma, baseada nas viñetas de Astérix. Como xa vos dixen, nas súas historietas atoparedes unha forma moi entretida e rigorosa de coñecer a historia de Roma e dos pobos conquistados por ela.
Tedes que mandarme as respostas ao meu mail na data acordada. Non o deixedes para o último día!
Tedes que mandarme as respostas ao meu mail na data acordada. Non o deixedes para o último día!
Os romanos gozaban de espectáculos
públicos en recintos como o Coliseo (tamén chamado Anfiteatro
Flavio, construído no s. I d. C.). onde presenciaban loitas de
gladiadores, animais, e incluso batallas navais. No Circo Máximo se
celebraban carreiras de carros tirados por cabalos (cuádrigas e
bigas).
-Hai un erro histórico na primeira
viñeta (pertencente a Astérix gladiador ).
Cal é? Que diferenza hai entre as cuádrigas e as bigas?
Xulio César conquistou as Galias tras
unha longa e cruenta guerra, vencendo a xefes galos como
Vercinxétorix. César recolleu o sucedido na súa obra Comentarios
ás Guerras das Galias.
-Di as datas exactas da conquista
das Galias; menciona algún dos pobos conquistados; atopa algún
fragmento dos escritos de César no que conte as súas experiencias
nestas guerras.
A romanización supuxo a asimilación
da cultura e dos costumes romanos por parte dos pobos conquistados.
Moitos dos rasgos das culturas indíxenas,se conservaron, pero outros
esmoreceron pouco a pouco.
-Que rasgos da cultura romana
asimilaron os pobos conquistados? Por que podemos relacionar a viñeta de aquí arriba coa romanización?
Os romanos foron grandes enxeñeiros e
construtores, como demostran os acuedutos, construídos para
subministrar auga ás cidades. Moitos deles aínda seguen en pé.
-Coñeces algunha obra de enxeñería
romana que aínda podamos visitar? Atopa polo menos tres e adxunta
algunha imaxe delas.
Nesta marabillosa
viñeta debuxada por Uderzo, vemos a cidade de Roma no século I a.
C. A cidade de Roma se asentaba dende as orixes en sete outeiros.
-Investiga: menciona algúns dos
principais edificios construídos en Roma no último século da
República.
As calzadas
romanas unían as cidades e os diferentes puntos de interese militar,
económico e político dos dominios de Roma.
-Coñeces o trazado dalgunha vía
romana en Galicia? Escolle unha e menciona que vilas e cidades
actuais atravesaban e unían.
As vivendas
romanas podían ser de varios tipos; as máis comúns eran as
“insulae” e as “domus”.
-Que diferenciaba aos habitantes dunhas e doutras? Menciona e comenta as partes da domus.